Ydych chi wedi sylwi ar yr olwyn fawr ger Neuadd y Ddinas? wyn fawr ger Neuadd y Ddinas? Dyma’r arwydd fod y gaeaf ar droed ac mae’r Nadolig yn agosáu!
Trwy astudio ym mhrifddinas Cymru mae yna ddigon o gyfleoedd cymdeithasol trwy gydol y flwyddyn, ond mae’r rhai Nadoligaidd hyd yn oed yn fwy arbennig!
Dyma rhai syniadau i chi a’ch fflat, ffrindiau neu deulu ei wneud yn ystod yr Ŵyl!
Fel roeddwn yn sôn mae’r olwyn fawr wedi cyrraedd Caerdydd, felly yn amlwg un o’r pethau mwyaf poblogaidd i’w wneud ydy mynd i Winter Wonderland. Mae rhan o’r amryw o atyniadau sydd ganddyn nhw i’w gynnig yng Nghastell Caerdydd yna mae’r rhan arall ger Neuadd y Ddinas. Mae’r ŵyl ar agor o 16eg o Dachwedd hyd at yr 2ail o Ionawr, felly mae digon o amser i wneud sawl taith yno!
Bydd yn rhaid talu ar gyfer chwarae neu brofi’r atyniadau, er hyn mae mynediad am ddim – mae’n le hyfryd i fynd am dro. Mae tocynnau ar gael ar lein ar gyfer y sglefrio ia, y Bar Ia a hefyd yr olwyn fawr.
Un peth rydw i’n edrych ymlaen at weld eto ydy Marchnad Nadolig Caerdydd ar hyd yr Ais.
Mae busnesau lleol yn cael cyfle i arddangos eu cynnyrch mewn hytiau ar hyd y stryd.
Yn ogystal, mae stondinau bwyd a diod, gyda man i eistedd a chymdeithasu.
Mae’n digwydd ar hyd strydoedd siopau Caerdydd.
Agorodd y Farchnad ar y 9fed o Dachwedd ac maent ar agor hyd at 23ain o Ragfyr.
Eleni eto mae Parc Biwt yn cynnal arddangosfa golau anhygoel.
Ar ddechrau a diwedd y llwybr mae yna stondin fwyd a Phentref Nadolig.
Mae’r sioe olau yn digwydd o 24ain o Dachwedd hyd at y 1af o Ionawr.
Mae’n brofiad i’r synhwyrau gyda goleuadau, cherddoriaeth a bwyd, ac mae tocyn i oedolyn yn £19.50.
Gobeithio bod hyn wedi eich ysbrydoli i wneud y mwyaf o’r Nadolig yng Nghaerdydd!