Dywed Charlotte Church ei bod hi wedi ei bygwth ers cymryd rhan mewn digwyddiad o blaid Palesteina. Yn ôl y gantores, roedd yn rhaid i’r heddlu gwirio ei bod hi’n ddiogel ar ol iddi fynychu ac arwain côr oedd wedi canu cân ddadleuol.
Canodd y côr y gân ‘From The River to Sea’ a gyfeirio at y diriogaeth rhwng Afon Iorddonen, sy’n ffinio ac Israel.
Cred rhai bod y gân yn galw am ddinistrio gwladwriaeth Israel.
Denodd y digwyddiad ymateb negyddol gan rhai pobl yn y gymuned Iddewig.
O ganlyniad i’r digwyddiad dywed un grŵp, Ymgyrch yn Erbyn Gwrth-semitiaeth bod Charlotte Church wedi defnyddio ei ‘statws fel seren i ddysgu plant i ganu geiriau eithafol”
Mynychodd Charlotte Church gorymdaith o blaid Palesteina ddydd sadwrn (10fed o Fawrth) yn Llundain.
Yn dilyn y penwythnos dywedodd ei bod hi wedi wynebu ton o ‘drais a chasineb’.
Mewn datganiad ar ei gwefan dywedodd Charlotte Church ‘Mae’r bygythiadau wedi arwain at yr heddlu yn gorfod dod draw i gadw llygad arnom ni. Mae fy niogelwch a diogelwch fy nheulu wedi cael ei fygwth”.
Ychwanegodd drwy ddweud bod ‘rhethreg gwleidyddion” a “sylw anghyfrifol yn y cyfryngau” hefyd wedi ychwanegu at y broblem.
Er iddi dderbyn ymateb chwyrn gan nifer yn ei datganiad fe wnaeth Charlotte Church rhannu ei barn drwy ddweud nad oedd hi’n cefnogi Hamas ac yn condemnio eu hymysodiad ar 7 Hydref.